خليل النظامي
– لا تهت علينا إنك صايم وتقرفنا عيشتنا تقول ما حد صايم غيرك.
– مثلك مثل المره بتقوم بتساعدها بالطبخ وبالجلي وبتحضير السفره.
– ما بدك او مش قادر تصوم لا تقعد تعرط قدام الناس وتستعرض أنك مفطر.
– اشتغل ولا تسوق فيها انه الصيام مأثر عليك تراك بتعيش على سندويشه فلافل اسبوع.
– لا تخلي حالك ابو علي وتفش غلك بالاولاد بحجة انك صايم.
– مش ضروري تتهرط كل يوم لحمة ورز وتجنن المره بالطبايخ.
– مش اول ما يأذن تقوم تتسمم سيجارة هذا بضرك بتوكل بعدين بتتسمم الدخان.
– تراني عارفك اذا بتسب اعراض الناس بسيارتك وانت سايق ربنا ما بقبل منك صيام.
– مش ضروري تسوق بسرعة عشان توصل قبل الاذان وتموت الناس عشان تعبي كرشك.
– بالنسبة للعزايم جدولها بحسب مقدرتك مش ضروري العزايم تكون ذبايح، مع انه في حظر.
– عيونك عن بنات الناس برمضان ترى النسوان ما بتحلى بعيون الزلم الا برمضان.
– لابسه ولا مشلحة برمضان مال الك دخل فيها غض بصرك وكمل طريقك حسابها مع ربنا.
– هاظ كافر هاظ مسلم ما الك دخل بحد صوم واعبد ربنا وكثر الله خيرك بدناش اكثر.
– لا تقعد تتهاوش انت والمره على ريموت التلفزيون مسلسل هون وملسلسل هون.
– ارجيلتك والفحم قوم انت اعملهن المره مش خدامة عندك وعند ولادك.
– وانتي لا تنسي انه رمضان يعني البسي مثل الاوادم مش ضروري لحمك وعصاقيلك يبينن.
– سولافة السهر بالكوفي شوب يختي ممنعوه، لأنه في حظر اسهري مع جوزك وولادك وتعرفي عليهم.
– اتركي الفيسبوك والتلفون وابلشي بالبيت وبشغلك مش يروح الزلمة يلاقي طبخة محروقة.
– صور الطبايخ لويش بتنزلوهن على الفيسبوك, في ناس ترى مش ملاقية توكل ماشي.
– صلاة التراويح ما فيه لانه في حظر، صليها بالدار وفكن من السوالف.
