نبض البلد - عبداللطيف بن عبدالله آل الشيخ
الرياض
العمر يرسم في كفوفك عناوين
إنتي الزمن و الكون يتبع مَساره
تشرق تفاصيله على غفوةْ العين
طيفك صباحٍ ما تِشابه نهاره
صرنا انعكاس النور من ظل روحين
دام العمر في نبض قلبك بشاره
يتعدد التأويل و انتي البراهين
كلمة يقينك ما تثنِّي عباره
تايه بظلما قبلك سنين و دنين
وجا فكري لفكرك يقين و مناره
و الماضي اللي جاي حاضر من الحين
أشرق بوجهك قبل يبدا انتظاره
كن العدم فيك انخلق لجل تكوين
إنتي و انا للعشق أول شراره
لو رَمّْدَتْ نيران الغلا للمحبين
قلبي معك كل العمر شب ناره
أرجع لعينك لو تخون الموازين
و امشي معك مثل الطفل في طهاره
عشنا الغلا رحلة وفا للثلاثين
و الشعر يبدا من تفاصيل ساره
#هاوي
